حوار تخيلى بين بنت وجدتها

حوار تخيل للغد البعيد جدا بين الجده والحفيده

[ندعوك للتسجيل في المنتدى أو التعريف بنفسك لمعاينة هذا الرابط]

الحفيده :- أنا نازله ياتيتا بعد شوية عايزه حاجه

الجدة :- نازله كده ايه اللبس اللى لابساه ده انتى لابسه من غير هدوم

..... ايه ماله ديه الموضه ياتيتا

..... موضة ايه وزفت ايه الله يرحم زمان كانت البنت منا لما تلبس يكون
اللبس بتاعها على الركبة مش انتوا

.... وفطرتى ولاه نازله من غير فطار

.... فطرت ياتيتا مش شفتنى خدت الحبوب ده بديل الفطار

.... حبوب ؟ وده ينفع الله يرحم زمان كانت الواحده فينا تشترى الوجبات
الجاهزة هو انتوا بتعرفوا تأكلو

..... سبينى اسمع بأه الاغنيه هاتخلص

..... أغنية ؟ هيى ديه أغنيه ياسلام الله يرحم زمان أيام الطرب الآصيل
أيام عمرو دياب وغيره مش الاغانى دلوقتى انتوا جيلكم بيعرف يسمع
زمان ياسلام على زمان كانت اطول اغنية تقعد دقيقة أو دقيقتين مش
دلوقتى كلمتين وخلاص.

.... أوك ياتيتا أنا هانزل ومش عارفه هارجع أمتى بس أحتمال أبات بره

.... ده أسمه كلام مش عارفه هاترجعى أمتى أنا بترحم على زمان لما
البنت فينا كانت لما تقول ياتأخير ترجع بيتها على 3 الفجر مش انتوا
ده جيل ما يعلم بيه غير ربنا تباتوا بره بيوتكم بالكام يوم

.... يتتاه كبرى دماغك كل جيل وليه طريقته أنتى بس ريحى نفسك وسيبنى
أعيش حياتى بالطريقه اللى تناسب جيلى

.... طيب قصدك أطلع أنا منها وأسكت

..... مش قصدى غلبت أفهمك أن جيلك مش زى جيلنا أنتى مش عايزه
تصدقى أه نسيت أأقولك احتمال صاحبى يجى البيت عندنا بكره ويبات
معايا عايزين نحط النقط على الحروف فى علاقتنا

.... طمنينى ياحبيبتى هو فاتحك فى الجواز

..... جواز أية ياتيتا بقولك فى علاقتنا أحنا مش متفقين على الجواز اصلا

..... انا قلقانه عليك أفرضى حصل حاجه لا قدر الله

..... حاجه زى أيه احنا أتفقنا على كل حاجه حتى لو جت أطفال أتفقنا فى
كل الامور المادية ما تخافيش

..... بلا مسخره وقلت أدب الله يرحم زمان هيى كانت البنت منا تقدر تعمل
كده علاقة مع شاب من غير ماتتجوز ولو حتى عرفى

...... تيتا سيبك بقى من التقاليد القديمة ديه اوعى تقولى قدامه الكلام ده
هايقول علينا متخلفين

...... متخلفين ؟ احنا قصدك هايقول عليا انا

...... تيتا أنا مش عايزاكى تزعلى منى انتى عارفه انى بحبك وهانكمل
كلامنا لما ارجع أنا أتاخرت اوى يلا بااااااااااااااى